 |
Pra heta nn.by paviedamiła maci palitviaźnia, Taciana Kim. Jana daviedałasia pra heta siońnia, kali pryniesła synu pieradaču ŭ SIZA na Vaładarskaha. Novy adras, pa jakim Andreju možna budzie dasłać list, joj nie skazali.
Nahadajem, što 22-chhadovy Andrej Kim byŭ asudžany 22 krasavika 2008 hodu da 1,5 hodu kalonii ahulnaha režymu. Jon byŭ pryznany vinavatym u źbićci supracoŭnika DAI 21 studzienia. Prachodziŭ chłopiec taksama jak abvinavačany pa "spravie 14-ci": za ŭdzieł u mitynhu pradprymalnikaŭ 10 studzienia.
Za ŭdzieł u hetym mitynhu moładzievym aktyvistam Uładzimieru Siarhiejevu i Antonu Kojpišu dali 3,5 młn rubloŭ štrafu (pa 100 bazavych vieličyniaŭ), astatnim siami abvinavačanym -- Michaiłu Paškieviču, Tacianie Ciškievič, Michaiłu Kryvavu, Alesiu Bondaru, Arciomu Dubskamu, Alesiu Stralcovu, Alesiu Čarnyšovu -- pa 2 hady abmiežavańnia voli biez nakiravańnia ŭ kalonii adkrytaha typu.
Kasacyjnaja skarha pa spravie Andreja Kima była padadziena 2 traŭnia, ale pakolki sudździa znachodzicca ŭ adpačynku, razhlad skarhi pieraniesieny na červień, paviedamiła advakat Tamara Sidarenka.
Darečy, praciah spravy 14-ci budzie ŭ hetuju piatnicu, kali pačniecca sudovy praces u dačynieńni da Michaiła Subača, Paŭła Vinahradava i Maksima Dašuka. 14-ty abvinavačany -- Alaksandar Barazienka -- z materyjałami spravy nie aznajamlivaŭsia, pakolki viartacca ŭ Biełaruś nie planuje.
Praces pačniecca ŭ 9.30 u sudzie Centralnaha rajonu Miensku pa adrasie Kirava, 21, zala 406. Razhladać spravu budzie sudździa Valery Jeśman.
