Dvoje małaletnich dziaciej atrymali traŭmy ŭ Viciebskaj vobłaści pry padzieńni z bałkonaŭ 7 lipienia, paviedamlaje pres-słužba Śledčaha kamiteta.
sk.gov.by
U Haradku 4-hadovy chłopčyk znachodziŭsia doma pad nahladam svajho 19-hadovaha dziadźki Małady čałaviek pakinuŭ dzicia adnaho ŭ pakoi na niekalki chvilin, a kali viarnuŭsia, pabačyŭ adčynienyja na bałkon dźviery i pačuŭ płač dziciaci, jaki danosicca z vulicy. Vyjšaŭšy na bałkon, ubačyŭ chłopčyka, što lažaŭ na travie. Kvatera raźmieščana na trecim paviersie. Na bałkonie majecca zašklonaja akonnaja rama ź mietałaprofilaŭ z rassoŭnymi voknami, pad joj stajaŭ zedlik. Małoje ź cialesnymi paškodžańniami, strasieńniem hałaŭnoha mozhu špitalizavany ŭ reanimacyjnaje adździaleńnie dziciačaha traŭmapunkta Viciebska.
sk.gov.by
U hety ž dzień u pasiołku Ruba dźvie siastry znachodzilisia ŭ babuli ŭ kvatery na pieršym paviersie. Dziaŭčynki hulali na bałkonie, abstalavanym parenčami, pobač ź jakimi stajała kresła. Babula ŭ hety čas znachodziłasia na kuchni i pieryjadyčna zachodziła ŭ pakoj, ź jakoha byŭ vychad na bałkon.
Kala 13 hadzin na kuchniu pryjšła starejšaja 6-hadovaja siastra i paviedamiła babuli, što małodšaja siastra ŭbačyła na vulicy kata, nachiliłasia praz parenčy bałkona i zvaliłasia na ziamlu, stuknuŭšysia hałavoj. Ź cialesnymi paškodžańniami 4-hadovaja dziaŭčynka dastaŭlena ŭ Viciebskuju abłasnuju kliničnuju balnicu.
Śledčym kamitetam pravodziacca ekśpiertyzy.