Fota gorodmogilev.by.
Jon padkreśliŭ, što aljans adkryty dla supracoŭnictva ź Biełaruśsiu.
«Našy adnosiny składalisia pa-roznamu — pamiž Biełaruśsiu, Jeŭropaj i NATA, ale situacyja źmianiłasia, — skazaŭ Vaščykoŭski. — My bačym cikavaść da supracoŭnictva z boku Minska. I Polšča choča być pasrednikam, jaki b sadziejničaŭ supracoŭnictvu NATA i Biełarusi».
Pavodle słoŭ Vaščykoŭskaha, padčas svajho niadaŭniaha vizitu ŭ Minsk i sustreč z prezidentam i ministram zamiežnych spraŭ Biełarusi jon abmiarkoŭvaŭ u tym liku źmieny, što adbyvajucca ŭ adnosinach Biełarusi ź ES i NATA.
Vaščykoŭski znachodziŭsia ŭ Biełarusi 22—23 sakavika. Na sustrečy z Alaksandram Łukašenkam kiraŭnik MZS Polščy zajaviŭ: novy polski ŭrad ličyć nienarmalnaj situacyju, kali na praciahu mnohich hadoŭ susiednija krainy nie razmaŭlali. «Tamu my vyrašyli biez usialakich papiarednich umoŭ pačać dyjałoh i ŭrehulavać usie susiedskija adnosiny, jakija možna budzie vyrašyć najbližejšym časam», — skazaŭ jon.
U svaju čarhu Łukašenka adznačyŭ, što Biełaruś i Polšča mohuć adyhrać značnuju rolu ŭ Jeŭropie i paŭpłyvać na mnohija pracesy.
«Žyviom pobač, historyja byccam adna i taja ž, časta pieražyvajem adny i tyja ž prablemy, u kahości ich bolš, u kahości mienš, a šlach ministra z Varšavy ŭ Minsk apynuŭsia takim doŭhim (hety vizit kiraŭnika MZS Polščy byŭ pieršym za apošnija vosiem hadoŭ. — BiełaPAN)», — skazaŭ Łukašenka.
«Nie skažu, što jość prablemy, jakija nam ciažka acanić. Navat nie skažu, što hetyja prablemy abo pytańni ciažka vyrašalnyja. Pry najaŭnaści voli z dvuch bakoŭ my ich možam vyrašyć, pryčym lubyja prablemy. Hałoŭnaje — damovicca ab kryteryjach. I tut, ja dumaju, prablem nie budzie», — dadaŭ biełaruski kiraŭnik.
MZS: Biełaruś vystupaje za pramy, biez pasrednikaŭ, dyjałoh z usimi partniorami, u tym liku NATA
