Kampanija «Alivaryja» napiaredadni dnia naradžeńnia adnaho ŭ samych znakamitych kiraŭnikoŭ Minska, hrafa Čapskaha, arhanizuje fiestyval jeŭrapiejskaha adpačynku «A-fest» — na adkrytym pavietry Łošyckaha parku, ź ježaj, muzykaj dy zabavami.
Pra heta siońnia paviedamili pradstaŭniki kampanii na pres-kanfierencyi ŭ Łošyckim siadzibna-parkavym kompleksa «Siadzibny dom».
«U XIX stahodździ hraf Čapski byŭ meram Minska i pieratvaryŭ jaho ŭ sučasny jeŭrapiejski horad. U XXI stahodździ «Alivaryja» praciahvaje jaho inicyjatyvu, — raspaviała dyrektar pa markietynhu i raźvićci biznesu kampanii «Alivaryja» Hanna Hubkina. — Fiestyvali i śviaty na travie ŭ parku pad adkrytym niebam — heta simvał Jeŭropy, častka žyćcia haradoŭ nakštałt Łondana abo Bierlina, i taja kultura, jakaja tolki prychodzić u Minsk.
Ała Mačałava, mieniedžar pa karparatyŭnaj kamunikacyi «Alivaryi», upeŭniena, što biełarusy hatovyja da jeŭrapiejskaha farmatu adpačynku. Pa terytoryi Łošyckaha parku buduć raźmieščany zony z roznymi hulniami, fudkort z dranikami i burhierami, kancertnaja placoŭka. Kampanija padzialiłasia, što padčas fiestyvalu budzie prachodzić konkurs barbieraŭ i baradačoŭ. Hałoŭnymi muzykami buduć hurt «NAVI» i «J-mors», chedłajnier fiestyvalu — papularny ŭ Jeŭropie łatvijski bend Brainstorm.
Ała Mačałava, menedžar pa karparatyŭnaj kamunikacyi «Alivaryi».
Fiestyval adbudziecca 13 žniŭnia z 12:00 da 23:00. Uvachod volny (asobam da 18 hod — u supravadžeńni darosłych).
