U piatnicu dziaržabvinavaŭca pa spravie Japryncava Juryj Šarśnioŭ praciahnuŭ daśledavać piśmovyja dakumienty pa spravie. U tym liku ŭ sudzie ahučany pieralik aryštavanaj majomaści abodvuch Japryncavych i ich žonak, a taksama treciaha abvinavačanaha pa spravie, Alaksandra Arabiana. Samaja charakternaja historyja adbyłasia z novieńkim Bentley Continental 2015 hoda vypusku koleru sini mietalik, jaki naležaŭ Kaźbieku Japryncavu.
Aŭtamabil, na jaki raźličvali nakłaści aryšt, akazaŭsia źniatym z uliku. Chranałohija takaja: 11 žniŭnia 2015 hoda Kaźbiek zatrymany, 13 žniŭnia na jaho majomaść, u tym liku Bentley, sprabujuć nakłaści aryšt (pastanova ad 12 žniŭnia, zaćvierdžana 13 žniŭnia). Ale zrabić heta nie ŭdajecca: 12 žniŭnia aŭtamabil byŭ źniaty z uliku ŭ DAI. Padstava dla źniaćcia z uliku — prodaž, na mašynu vydadzieny tranzitnyja numary.
Šarśnioŭ paviedamiŭ, što na imia načalnika UDAI Minharvykankama nakiravana paviedamleńnie ab nakładańni aryštu na majomaść — «śledčy prosić uvieści zabaronu na rehistracyju prava ŭłasnaści na hety aŭtamabil u metach zabieśpiačeńnia kampiensacyi škody ad ździejśnienaha złačynstva i mahčymaj kanfiskacyi». Pavodle adkazu DAI, u kampjutarnaj bazie UUS DAI «transpartny srodak Bentley Continental, zarehistravany raniej za hramadzianinam Japryncavym Kaźbiekam Uładzimiravičam da aryštu nie ŭjaŭlajecca mahčymym, bo źniaty z aŭtamatyzavanaha ŭliku».
Cana na novyja aŭtamabili Bentley Continental u zaležnaści ad madeli i kamplektacyi składaje 150—300 tysiač dalaraŭ.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary