Pra heta ahienctvu Associated Press raspavioŭ jaho dziadźka Sadok Bulel.
Fota REUTERS.
Francuzskija ŭłady nie zmahli paćvierdzić ahienctvu hetuju infarmacyju, udakładniŭšy, što rasśledavańnie teraktu ŭ Nicy praciahvajecca.
Pa słovach dziadźki Bulela, jaho plamieńnik staŭ «lohkaj zdabyčaj» dla viarboŭščyka ID, bo ŭ Muchamieda byli siamiejnyja prablemy — rastańnie z žonkaj i dziećmi. Sadok Bulel, jaki žyvie ŭ Tunisie, daviedaŭsia pra viarboŭku plamieńnika ad svajakoŭ, jakija žyvuć u Nicy. Jak adznačaje AP, siabry i svajaki Muchamieda Bulela kazali, što raniej jon nie prytrymlivaŭsia patrabavańniaŭ isłamu.
Terakt u Nicy adbyŭsia ŭviečary 14 lipienia. Bieły hruzavik na chutkaści 60-70 km/h urezaŭsia ŭ natoŭp, što śviatkavaŭ Dzień uziaćcia Bastylii na Anhlijskaj nabiarežnaj u Nicy. Mašyna prajechała kala 2 km pa zihzahapadobnaj trajektoryi, pierš čym kiroŭcu zastrelili palicejskija. Achviarami stali 84 čałavieki, bolš za 300 čałaviek atrymali ranieńni.
Paźniej kiroŭcu hruzavika identyfikavali jak 31-hadovaha Muchamieda Bulela, uradženca Tunisa, jaki pražyvaŭ u Nicy. Kiraŭnik MUS Francyi Biernar Kaźnieŭ kazaŭ, što, kali Bulel i naležaŭ da isłamistaŭ, to jaho radykalizacyja adbyłasia «vielmi chutka», bo raniej jon nie pryciahvaŭ uvahi śpiecsłužbaŭ. U jaho byli pryvady ŭ palicyju, ale jany byli źviazanyja z kryminalnymi pravinnaściami, a nie z terarystyčnaj aktyŭnaściu.
Paśla teraktu stała viadoma, što teraryst albo raźvioŭsia sa svajoj žonkaj, albo znachodziŭsia ŭ pracesie razvodu. Associated Press sa spasyłkaj na susiedziaŭ paviedamlała, što jon užo try hady nie žyŭ ź siamjoj, dzie było troje dziaciej. Stryječny brat jaho byłoj žonki raspaviadaŭ The Daily Mail, što Bulel užyvaŭ ałkahol, narkotyki i jeŭ śvininu, to bok pavodziŭ siabie nieprystojnym dla musulmanina čynam. Akramia taho, jon nie naviedvaŭ miačeć.
16 lipienia, u subotu, ID uziała na siabie adkaznaść za terakt u Nicy. Zajava terarystyčnaj arhanizacyi źjaviłasia na staroncy ŭ Telegram ahienctva Amaq, jana tranślavała paviedamleńnie bajevikoŭ (jaho cytavała Associated Press).
Pa spravie teraktu zatrymali siem čałaviek, u tym liku žonku Bulela. Jaje ŭziali pad vartu paśla pieratrusu ŭ kvatery, jakaja naležała terarystu.
