Čartarnyja paloty ŭ Turcyi ŭ hetym hodzie adnoŭleny nie buduć. Taki vynik pieramovaŭ, jakija praciahvalisia niekalki hadzin
Pieramovy ab adnaŭleńni čartarnych avijaznosin pamiž Rasijaj i Turcyjaj prajšli ŭ Maskvie 14 lipienia. Jak paviedamiła haziecie «Iźviestija» vykanaŭčy dyrektar Asacyjacyi turapierataraŭ Rasii (ATOR) Majia Łamidze, rasijski bok vystaviŭ ceły błok pytańniaŭ pa biaśpiecy ŭ aeraportach, na kurortach, padčas tranśfieraŭ i ekskursijnych pajezdak. Paśla šaści hadzin pieramovaŭ było vyrašana dla pačatku stvaryć pracoŭnuju hrupu, jakaja budzie abmiarkoŭvać rasijskija patrabavańni. Akramia hetaha tureckija pradstaŭniki pavinny padać śpis niebiaśpiečnych dla turystaŭ miescaŭ na ŭschodzie i paŭdniovym uschodzie krainy.
Pa słovach Łamidze, ciapier jasna, što čartarnyja avijaznosiny pamiž Rasijaj i Turcyjaj u hetym hodzie nie adnovicca. Nie fakt, što heta adbudziecca i ŭ 2017 hodzie.
Kamientary