Złučanyja Štaty Amieryki spadziajucca, što zabojstva ŭkrainskaha žurnalista Paŭła Šaramieta budzie całkam rasśledavana, a vinavatyja buduć pryciahnutyja da adkaznaści.
Pra heta havorycca ŭ paviedamleńni ambasady ZŠA ŭ sieradu.
«My šakavanyja i zasmučanyja viestkaj pra śmierć viadomaha žurnalista Paŭła Šaramieta, jaki byŭ zabity biesprecedentnym vybucham aŭtamabila siońnia ranicaj u Kijevie», — skazana ŭ paviedamleńni.
«Pavieł žyŭ metanakiravanym i sumlennym žyćciom u niekalkich krainach. My pavažajem jaho jak biasstrašnaha prafiesijanała i prychilnika svabody słova, Revalucyi hodnaści, jaki imknuŭsia da lepšaj budučyni dla Ukrainy», — adznačyli ŭ ambasadzie.
Taksama ŭ pres-relizie adznačajecca, što ZŠA «vitajuć zajavy palicyi i hienieralnaha prakurora, što abstaviny jaho zabojstva buduć całkam rasśledavanyja i vinavatyja buduć pryciahnutyja da adkaznaści».
U pasolstvie vykazali spačuvańni kaleham Šaramieta, Alenie Prytuła, jaho siamji, jaho šmatlikim siabram i abaroncam svabody słova i ŚMI va Ukrainie.
