Pra heta paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłana Rybakova.
«Na praciahu biahučaha tydnia ŭ Biełarusi pieravažała chaładnavataje i daždžlivaje nadvorje. Terytoryja respubliki ciapier znachodzicca pad upłyvam aktyŭnych atmaśfiernych frantoŭ ad cykłonu z centram nad uschodam krainy. U noč na čaćvier, 21 lipienia, amal usiudy prajšli daždžy roznaj intensiŭnaści, pa ŭschodniaj častcy krainy adznačalisia mocnyja daždžy», — kanstatavała Śviatłana Rybakova.
U piatnicu, 22 lipienia, centr cykłonu pieramieścicca na paŭnočna-ŭschodnija rajony Ukrainy, ale jaho frantalnyja raździeły pa-raniejšamu buduć vyznačać umovy nadvorja ŭ Biełarusi. U mnohich rajonach krainy projduć karotkačasovyja daždžy, miescami navalnicy. Unačy i ranicaj u asobnych rajonach čakajecca tuman. Tempieratura pavietra ŭnačy składzie ad plus 9 da plus 15, udzień budzie 20—25 hradusaŭ ciapła, u zachodnich rajonach — ad 17 da 19 sa znakam plus.
U subotu i niadzielu, 23 i 24 lipienia, Biełaruś zastaniecca ŭ poli panižanaha atmaśfiernaha cisku. U asobnych rajonach projduć karotkačasovyja daždžy, miescami nie vyklučany navalnicy. Tempieratura pavietra pačnie pavyšacca: unačy budzie 11—18 hradusaŭ ciapła, udzień u subotu — ad plus 21 da plus 27, u niadzielu jašče ciaplej - 24—29 hradusaŭ.
U pačatku nastupnaha tydnia, z paniadziełka pa sieradu, terytoryja krainy budzie znachodzicca ŭ vobłaści pavyšanaha atmaśfiernaha cisku, sfarmiravanaj u ciopłaj i niaŭstojlivaj pavietranaj masie. Čakajecca dalejšaje pavyšeńnie tempieraturnaha fonu. Unačy słupki termomietraŭ buduć pakazvać ad plus 13 da plus 19, udzień pavietra prahrejecca da 25—30 hradusaŭ. Miescami projduć karotkačasovyja daždžy, u dzionny čas nie vyklučany navalnicy.
