Alimpijskaja vioska ŭ Rya-de-Žaniejra
Aficyjnaje adkryćcio Alimpijskaj vioski adbyłosia ŭ niadzielu, 24 lipienia, u Rya-de-Žaniejra, za dva tydni da pačatku letniaj Alimpijady 2016 hoda. U kompleksie, jaki składajecca z 31 budynka, buduć pražyvać prykładna 18 tys. spartsmienaŭ. Kolkaść dapamožnaha piersanału składzie 13 tys. čałaviek.
U Alimpijskaj vioscy znachodzicca vialikaja zona charčavańnia na 5 tys. čałaviek, spartovyja zały, klinika, zona adpačynku, sałon pryhažości, mulcirelihijny centr i siem pralniaŭ. Alimpijskaja vioska raźmieščana na zachadzie brazilskaha miehapolisa, za paŭtara kiłamietra ad Alimpijskaha parka, dzie projdzie bolšaść spabornictvaŭ.
Pavodle infarmacyi Mižnarodnaha alimpijskaha kamiteta (MAK), u vioscy jość i tak zvanaje «miesca smutku», dzie projdzie śpiecyjalnaja cyrymonija pamiaci ludziej, jakija zahinuli padčas Alimpijskich hulniaŭ. Paśla praviadzieńnia Alimpijady ŭsie budynki i apartamienty pradaduć zamožnym hramadzianam u Brazilii.
Miž tym, jak paviedamiła Bi-bi-si kiraŭnik aŭstralijskaj delehacyi Kici Čyler paviedamiła, što ŭ apartamientach nie pracujuć prybiralni, aholenaja elektrapravodka, praciakajuć vadapravodnyja truby i niama aśviatleńnia na leśvicach. Niemahčyma skazać, ci buduć hetyja prablemy likvidavanyja svoječasova.
Ciapier ža spartsmieny žyvuć u susiednich hatelach. Jak skazała Čyler, spartsmieny z Brytanii i Novaj Ziełandyi sutykajucca z padobnymi prablemami.
