Kamitet pa movie i terminałohii pry ŭradzie Tadžykistana vyrašyŭ štrafavać žurnalistaŭ, jakija parušajuć normy tadžykskaj movy.
Pamier štrafu dla fizičnych asob składaje ad 75 da 100 dalaraŭ, dla jurydyčnych asob abo čynoŭnikaŭ — ad 150 da 200 dalaraŭ u miascovaj valucie.
Jak paviedamiła kiraŭnik kamiteta pa movie Haŭchar Šaryfzoda, žurnalisty stali časta ŭžyvać nie zrazumiełyja dla prostych ludziej słovy.
«Niekatoryja žurnalisty ŭžyvajuć u svaich materyjałach da 10 takich słoŭ. Jany ž nie zrazumiełyja prostamu čytaču, hledaču, słuchaču. Pry hetym hruba parušajucca normy dziaržaŭnaj movy. U nas jość hramatyka, praviły pravapisu, patrabavańni zachavańnia normaŭ dziaržaŭnaj movy, jakija my abaviazanyja vykonvać», — zajaviła staršynia kamiteta pa movie i terminałohii pry ŭradzie krainy Haŭchar Šaryfzoda.
U kamitecie budzie stvoranaja śpiecyjalnaja hrupa, jakaja budzie prahladać telepieradačy i słuchać radyjoprahramy, a taksama čytać haziety z metaj vyjaŭleńnia parušeńniaŭ.
Čynoŭniki kamiteta majuć namier sustrecca z kiraŭnictvam ŭsich dziaržaŭnych i pryvatnych ŚMI, kab abmierkavać pytańnie ab važnaści zachavańnia normaŭ tadžykskaj movy.
Nahadajem, u kancy krasavika ŭłady Tadžykistana aficyjna zabaranili rehistravać imiony pa baćku i proźviščy na ruski manier.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary