U dačynieńni da vychavalnicy adnaho ź dziciačych sadkoŭ Śvietłahorska raspačataja kryminalnaja sprava, paviedamiła aficyjny pradstaŭnik USK pa Homielskaj vobłaści Maryja Kryvanohava.
Supracoŭnicy daškolnaj ustanovy adukacyi inkryminujecca abvinavačvańnie pa č.1 st.165 Kryminalnaha kodeksa Biełarusi (nienaležnaje vykanańnie abaviazkaŭ pa zabieśpiačeńni biaśpieki žyćcia i zdaroŭja dziaciej). Padstavaj dla hetaha staŭ incydent, jaki adbyŭsia 30 maja 2016 hoda ŭ pieršaj pałovie dnia ŭ dziciačym sadku, dzie jana pracuje. Znachodziačysia va ŭstanovie, čatyrochhadovy chłopčyk atrymaŭ traŭmy ruk. Baćki napisali zajavu ŭ milicyju.
Śledčyja vyśviatlajuć abstaviny zdareńnia. Vychavalnica, u jakoj dvoje ŭłasnych dziaciej, znachodzicca ŭ statusie padazravanaj.
