Lidarka zbornaj Biełarusi pa płavańni Alaksandra Hierasimienia vyjšła ŭ finał Alimpijady-2016 na dystancyi 50 m volnym stylem.
U svaim paŭfinalnym zapłyvie dvuchrazovaja vice-čempijonka Hulniaŭ-2012 finišavała piataj z vynikam 24,53 siek., što trochi horš za jaje dasiahnieńni ŭ papiarednim zapłyvie (24,42 siek.). Tym nie mienš, paŭfinalnaje dasiahnieńnie dazvoliła Alaksandry vyjści ŭ miedalny zapłyŭ z vośmym pa časie vynikam.
Pieršuju pazicyju pa vynikach paŭfinalnaha etapu zdoleła zachavać za saboj lidarka kvalifikacyi datčanka Pierniła Blum (24,28 siek.).
Finał na krolevaj 50-mietroŭcy projdzie ŭ noč z 13 na 14 žniŭnia pa minskim časie.
Raniej Alaksandra Hierasimienia spaborničała ŭ Rya na dystancyi 100 m volnym stylem, adnak nie zmahła prabicca dalej paŭfinalnaj stadyi. Jaje vynikovaje miesca na krolevaj stomietroŭcy — 13-je.