Darja Klišyna, adzinaja rasijskaja lohkaatletka, jakuju dapuścili da ŭdziełu ŭ Alimpijskich hulniach u Rya, budzie adchilenaja ad Hulniaŭ, a rašeńnie IAAF pra jaje dopusk pierahledžana.
Jak stała viadoma Sovsport.ru, kamisija IAAF pa baraćbie z dopinham, vyvučyŭšy pradstaŭlenuju kamisijaj Makłarena infarmacyju, źviazanuju z Darjaj Klišynaj, vyrašyła pierahledzieć svajo ž rašeńnie pra jaje dopusk ad 9 lipienia. IAAF prapanavała Klišynaj dać svaje tłumačeńni. Pradstaŭniki spartsmienki pieradali ŭsie nieabchodnyja tłumačeńni ŭ IAAF jašče 8 žniŭnia, adnak 10 žniŭnia kamisija IAAF pa baraćbie z dopinham pryznała ich niedastatkovymi i mižnarodnaja fiederacyja vyrašyła nie dapuścić jaje da ŭdziełu ŭ spabornictvach u Rya.
12 žniŭnia matyvacyjnaja častka rašeńnia była pieradadziena pradstaŭnikam Klišynaj. Siońnia spartsmienka padała apielacyju ŭ spartyŭny arbitražny sud (CAS) ab pryznańni niezakonnym jaje niadopusk na Alimpijadu.
Rašeńnie ab tym, pazbaŭlać ci nie alimpijskaj akredytacyi Darju Klišynu, maje być pryniata ciaham bližejšych 24 hadzin.
