Zaviaršyłasia kvalifikacyja mužčynskich spabornictvaŭ u stralbie z małakalibiernaj vintoŭki z dystancyi 50 m z troch pałažeńniaŭ (z kalena, ležačy, stojačy) na Alimpijadzie-2016 u Rya-de-Žaniejra.
Nivodny ź biełarusaŭ, jakija vystupali ŭ hetym vyhladzie prahramy, nie zdoleŭ prabicca ŭ 8 finalistaŭ.
Juryj Ščarbacevič, nabraŭšy sumu 1170 bałaŭ, zaniaŭ 18-je miesca, a Ilja Čarhiejka z 1166 ačkami na 31-j pazicyi siarod 44 udzielnikaŭ.
Vyjhraŭ kvalifikacyju rasiejec Siarhiej Kamienski (1184), zamknuŭ vaśmiorku lepšych italjaniec Nikoła Kampryjani (1174).
***
Takim čynam, biełaruskija strałki zaviaršyli Alimpijadu-2016 bieź miedaloŭ. Najlepšymi vynikami stali 5-je miesca Vital Bubnovič u stralbie z małakalibiernaj vintoŭki z dystancyi 50 m ležačy i 6-ja pazicyja Illi Čarhiejka ŭ stralbie ź pnieŭmatyčnaj vintoŭki z dystancyi 10 m.
