Pačniom historyju z samaha pačatku. Pa sponsarskim kantrakcie kampanija Samsung padaryła kala 12 tysiač ekskluziŭnych smartfonaŭ «Galaxy S7 edge Olympic Games Edition» spartsmienam-udzielnikam Alimpijady ŭ Rya. Viadoma, padobnaja akcyja nie abminuła i biełaruskuju delehacyju.
Što adbyłosia dalej?
Chtości ź biełarusaŭ pasprabavaŭ pradać sponsarski smartfon prosta padčas Hulniaŭ u Rya. I padobna na toje, što zrabić heta pasprabavaŭ adziny pakul naš alimpijski čempijon-2016 — batutyst Uładzisłaŭ Hančaroŭ.
7 žniŭnia (praz dva dni paśla adkryćcia AH u Rya) na internet-placoŭcy baraholka.onliner.by karystalnik ź nikam vlad.gon4arow apublikavaŭ abjavu ab prodažy telefona.
Čamu heta toj samy Hančaroŭ?
Miarkujcie sami. Profil karystalnika zapoŭnieny całkam dobrasumlenna: jość i rodny horad, i rod zaniatkaŭ, i navat intaresy. Zanadta šmat supadzieńniaŭ, nie znachodzicie?
Kali vy da hetaha času sumniavajeciesia ŭ sapraŭdnaści akaŭnta, to voś vam apošni štrych. Fatahrafii, jakija byli prymacavanyja da samoj abjavy: źviarnicie ŭvahu na koŭdru z alimpijskim arnamientam.
Alimpijskaja vioska ŭ Rya
A što heta za telefon taki?
Padorany alimpijcam smartfon ličycca adnym z samy krutych na rynku #prostazaraz. Madel vypuščanaja ŭ 2016 hodzie, a jaje admietnaj asablivaściu źjaŭlajecca praciah dyspleja na bakavinach, jakija majuć dadatkovy funkcyjanał. Devajs atrymaŭ 12-miehapiksielny modul kamiery, 4 hihabajta apieratyŭnaj pamiaci, vodaniepranikalnaść, pyłaabaronienaść i jašče kuču klovych prymočak.
Cana za taki smartfon davoli kuślivaja — vahajecca ŭ rajonie 13—18 miljonaŭ biełaruskich rubloŭ (pa kursie da denaminacyi). Naš ekzemplaraŭ vystaŭleny na «barachołcy» za 20 miljonaŭ rubloŭ (abmiežavanaja sieryja, čaho ŭžo tam). Takaja cana spadabałasia daloka nie ŭsim:
I čym usio skončyłasia?
Uładzisłaŭ Hančaroŭ vyjhraŭ zołata i zaraz atrymaje 150 tysiač dalaraŭ pryzavych, a abjava ab prodažy smartfona na «barachołcy» ŭžo nieaktualnaja. Ciapier pra los novieńkaha «Galaxy» možna tolki zdahadvacca.
