Rasija bolš nie vykarystoŭvaje iranskuju avijabazu dla naniasieńnia avijaŭdaraŭ u Siryi, paviedamiła ŭ paniadziełak Ministerstva zamiežnych spraŭ Irana.
«Rasija nie maje bazy ŭ Iranie. Jany dziejničali, i ich apieracyja skončyłasia», — havorycca ŭ paviedamleńni, pieradaje Reuters.
Usiaho za niekalki hadzin da hetaha ministr abarony Irana Chusejn Dehan raskrytykavaŭ Maskvu za toje, što jana aficyjna paviedamiła pra dziejańni ź iranskaj terytoryi.
Kadr ź videa Minabarony RF, na jakim źniščalnik-bambardziroŭščyk Su-34 ź iranskaj bazy ŭ Chamadanie bambić terytoryju Siryi.
Pa mierkavańni iranskaha ministra, Maskva takim čynam vyrašyła zrabić z vykarystańnia bazy ŭ Iranie sabie rekłamu, prademanstravać svaju siłu i pry hetym parušyła toj davier, ź jakim da jaje pastaviŭsia Tehieran.
Raniej Dziaržaŭny departamient ZŠA nazvaŭ raźmiaščeńnie rasijskich samalotaŭ u Iranie drennym krokam.
