25 žniŭnia śviatkujecca 25-ja hadavina aficyjnaha i jurydyčnaha atrymańnia Biełaruśsiu statusa niezaležnaj i samastojnaj dziaržavy. Mienavita ŭ hety dzień u 1991 hodzie Dekłaracyja ab dziaržaŭnym suvierenitecie Biełarusi, pryniataja jašče 27 lipienia 1990 hoda, nabyła siłu kanstytucyjnaha zakonu.
«Art Siadziba» pad ahulnaj nazvaj #Belarus25 sabrała nasyčanuju prahramu z 12 mierapryjemstvaŭ i akcyj, jakija adbuducca 25 žniŭnia i ŭ bližejšyja dni ŭ Minsku. Dałučajciesia da śviatkavańnia 25-hodździa niezaležnaści Biełarusi!
Stanaŭleńnie niezaležnaj Respubliki Biełaruś adbyvałasia pastupova. Z hetym pracesam źviazany ceły šerah pierałomnych dat. Niahledziačy na toje, što Saviecki Sajuz byŭ likvidavany tolki 8 śniežnia 1991 hoda, a suvierenitet Biełaruś abviaściła jašče 27 lipienia 1990-ha, mienavita z 25 žniŭnia 1991 hoda biełarusy ŭziali los svajoj krainy va ŭłasnyja ruki.
Kab adśviatkavać jubilej niezaležnaści i samastojnaści našaj krainy, uzhadać i ŭšanavać važnuju padzieju ŭ historyi Biełarusi, «Art Siadziba» prapanuje prahramu z 12 mierapryjemstvaŭ i akcyj, jakija hetymi dniami prachodziać u Minsku.
Ahulny chešteh śviatkavańniaŭ #Belarus25.
01. Niezvyčajnyja ŭlotki-nalepki z «Pahoniaj» ad Jurasia Hubareviča
Kandydat u deputaty ad ruchu «Za svabodu» Juraś Hubarevič i jaho kamanda 25 žniŭnia z 15.00 na pikietach la stancyj mietro «Uschod» i «Akademija navuk» prezientujuć niezvyčajnyja ŭlotki, jakija adnačasova źjaŭlajucca i naborami nalepak z nacyjanalnym hierbam «Pahonia».
Ideja vielmi prostaja: tradycyjna ŭlotki paśla pračytańnia ci nie pračytańnia, ale adrazu iduć u śmietnicu, a tut heta nabor łaminavanych viniłavych nalepak, jakija zachočacca pakinuć, bo jany dobra buduć vyhladać na aŭto, rovarach dy roznych hadžetach.
Taksama pa praśpiektu Niezaležnaści z 15.00 ad «Akademii navuk» da stancyi mietro «Uschod» budzie kursiravać vieła-pikiet, jaki možna spyniać i atrymlivać nalepki ŭ kiroŭcy.
Kali: 25 žniŭnia, 15.00.
Dzie: Minsk, pr. Niezaležnaści, la stancyj mietro «Uschod» i «Akademija navuk»
Arhanizatar: Juryj Hubarevič i ruch «Za svabodu».
02. Sustreča z deputatami Niezaležnaści
Heta śviatočnaja impreza, u jakoj voźmuć udzieł deputaty Niezaležnaści - ludzi, jakija stvarali historyju našaj krainy i zmahalisia za jaje samastojnaść. Unikalnaja mahčymaść pabačyć i pasłuchać hierojaŭ, jakija stajali napačatku zaradžeńnia novaj niezaležnaj Biełarusi.
Kali: 25-ha žniŭnia, 19.00.
Dzie: Minsk, pr. Haziety «Praŭda» (st. m. Piatroŭščyna), d. 11, biznes-centr IBB, kanfierenc-zała.
Arhanizatar: KCHP-BNF.
03. Mitynh z udzielnikami partyi BNF
Śviatkavańnie ŭ hety dzień budzie prachodzić u lehalnym farmacie: sustreča-mitynh z udzielnikami partyi BNF i ruchu salidarnaści «Razam». Arhanizatary zaklikajuć brać z saboj nacyjanalnuju simvoliku, siabroŭ, dobry nastroj i razam adznačać adnu z samych važnych padziej u historyi Biełarusi.
Kali: 25 žniŭnia, 19.00.
Dzie: Minsk, pr. Pieramožcaŭ, 4, placoŭka la Pałaca sportu.
Arhanizatar: ruch salidarnaści «Razam» i partyja BNF.
04. Kupałaŭskija čytańni i śviatočnaje rušańnie pa praśpiekcie Niezaležnaści
Pierad pačatkam śviatočnaha šeścia pa praśpiektu Niezaležnaści «Małady Front» zaklikaje ŭsich patryjotaŭ pryniać udzieł u «Kupałaŭskich čytańniach»: treba vybrać nacyjanalna-patryjatyčnyja tvory Janki Kupały i pradekłamavać ich la pomnika Janku Kupału.
U «Kupałaŭskich čytańniach» prymie ŭdzieł nacyjanalny paet i revalucyjanier Słavamir Adamovič, jaki budzie ŭznačalvać žury konkursu i vyznačyć pieramožcaŭ, jany atrymajuć kaštoŭnyja padarunki ad arhanizataraŭ mierapryjemstva.
Paśla konkursu «Małady Front» zaprašaje ŭsich achvotnych na śviatočnaje rušańnie pa praśpiekcie Niezaležnaści pad nacyjanalnymi ściahami Biełarusi.
Taksama ŭ miežach mierapryjemstva adbudziecca akcyja #biełaruskajastužka z razdačaj bieł-čyrvona-biełaj stužki ad «Art-Siadziby».
Kali: 25 žniŭnia, 18.00.
Dzie: Minsk, park Janki Kupały, la pomnika paetu.
Arhanizatar: Małady Front.
05. Paznač siabie niezaležnym razam z symbal.by
25 žniŭnia abaviazkova zavitajcie ŭ «Art Siadzibu» i kramu symbal.by - tam biaspłatna buduć razdavać paštoŭki, bieł-čyrvona-biełyja stužki, nabory nalepak ź bieł-čyrvona-biełymi ściažkami i hierbam «Pahonia». Tolki ŭ hety dzień na ŭsie tavary (akramia tych, što i tak na akcyi) pry zamovie praz sajt symbal.by pa promakodu Belarus25 budzie dziejničać źnižka 25%.
Kali: 25 žniŭnia, 11.00-20.00.
Dzie: Minsk, pr. Niezaležnaści, d. 58, handlovy centr «Maskoŭska-Vienski» (nastupny za CUMam), 4 pavierch, pakoj 430.
Arhanizatar: «Art Siadziba» i krama symbal.by.
06. Kancert hurta «Krama»
25 žniŭnia ŭ kłubie «Hrafici» vystupić lehiendarny biełaruski hurt «Krama» ź lepšymi pieśniami novaha pakaleńnia niezaležnych biełarusaŭ.
Kali: 25 žniŭnia, 19.00.
Dzie: Minsk, zav. Kalinina, 16, bar «Hrafici».
Arhanizatar: graffiti.by.
07. Kancert hurtu «:B:N:»
25 žniŭnia z prahramaj «Lepšaje & Novaje» dla vas zajhraje hurt «:B:N:». Arhanizatary abiacajuć samy śpiakotny kancert žniŭnia ŭ kłubie «Duda Kinh».
Kali: 25 žniŭnia, 19.00.
Dzie: Minsk, vuł. Biersana 44, bar «Duda Kinh».
Arhanizatar: Pan-studyja.
08. Tvorčy viečar Mikity Najdzionava
25 žniŭnia na svoj tvorčy viečar zaprašaje lidar hurta «HURMA», paet i muzykant Mikita Najdzionaŭ. Prahučać novyja, viadomyja i nieviadomyja jahonyja pieśni i vieršy. Padčas imprezy možna budzie zadavać pytańni, pisać zapiski, a taksama natchniacca na ŭłasnyja vieršy i pieśni.
Kali: 25 žniŭnia, 19.00.
Dzie: Minsk, vuł. Šornaja 20, antykafe «Kto takoj Džon Hołt».
Arhanizatar: Mikita Najdzionaŭ.
09. Kancert hurtoŭ Rokash i Adarviroh
25 žniŭnia va ŭtulnaj abstanoŭcy ILI kłuba adbudziecca apošni kancert hurta «Rokash» ŭ 2016 hodzie. Tolki najlepšyja kampazicyi, vydatny huk i ciopłaja siabroŭskaja atmaśfiera. Razam z Rokash vystupić hurt «Adarviroh, jaki hraje vydatny folk-mietał, prasiaknuty lehiendami, padańniami i atmaśfieraj słaŭnaj biełaruskaj minuŭščyny.
Kali: 25 žniŭnia, 19.00.
Dzie: Minsk, pr-t Niezaležnaści 131/1, kłub «ILI».
Arhanizatar: hurt «Rokash».
10. Vystava «Miežy Inšaha»
Časopis CityDog.by ŭ miežach prajekta «Minskija dyjaspary» pradstaŭlaje vystavu «Miežy Inšaha» hrupy «Viera». Hałoŭnaj temaj vystavy, jakaja adkryjecca 25 žniŭnia ŭ 19:00 u anhary «CECHa», źjaŭlajucca ŭjaŭleńni pra biełaruskuju talerantnaść u čas vajskovych kanfliktaŭ i mihracyjnaha kryzisu.
«Miežy Inšaha» — heta sproba analizu adkrytaści biełaruskaha hramadstva da novych abstavinaŭ. Biełaruś maje svaju historyju multykulturalizmu — stahodździami roznyja etničnyja hrupy mirna suisnavali na hetaj terytoryi. Ale palityčnaja situacyja ŭ rehijonie mianiajecca, i toj stereatyp ciarpimaści i ŭzajemapavahi, jaki zdaŭna repraduktujecca i ŭ dziaržaŭnaj ideałohii, i ŭ masavaj śviadomaści, siońnia prachodzić pravierku na praktycy. Zvažajučy na heta, hrupa «Viera» daśleduje sacyjalnaje pole z metaj vyjavić najbolš jaskravyja reakcyi na takija pieramieny, pravodzić analiz miedyja, a taksama piersanalnaha dośviedu ŭdzielnikaŭ. U vyniku na vystavie buduć pradstaŭleny abjekty i videa, cytaty i dakumientacyja, abjadnanyja ahulnaj instalacyjnaj ramkaj.
Heta vystava — debiutny prajekt hrupy «Viera», jakaja sfarmiravałasia ŭ červieni 2016-ha i jadnaje mastakoŭ i kulturnych rabotnikaŭ Vieru Załuckuju, Alaksieja Navumčyka, Antona Sarokina i Alaksieja Tałstova. Vykanaŭčy kuratar vystavy — Alaksiej Tałstoŭ.
Kali: z 25.08.2016 pa 31.08.2016 z 12:00 da 22:00. Uvachod volny.
Dzie: Minsk, vuł. Kastryčnickaja, anhar prastory «CECH».
Arhanizatar: časopis CityDog.by i hrupa «Viera».
11. Vandroŭka pa staražytnym Miensku
25 žniŭnia prajekt «Vandroŭki ŭ minułaje» zaprašaje na biaspłatnuju ekskursiju «Padarožža ŭ minułaje stahodździe», jakaja pryśviečana šmatlikim tajamnicam dy cikavostkam staražytnaha i sučasnaha Miensku.
Maršrut: Teatr Muzkamiedyi — Paŭnočny zavułak — vulica Kalektarnaja — vulica Miaśnikova — płošča Niezaležnaści. Sustrakajemsia ŭ 18.30 la hałoŭnaha ŭvachodu ŭ teatr Muzkamiedyi.
Kali: 25 žniŭnia, 18.30.
Dzie: Minsk, vuł. Miaśnikova 44, la ŭvachodu ŭ Muzyčny teatr.
Arhanizatar: prajekt «Vandroŭki ŭ minułaje».
12. Dabračynny kancert Źmitra Vajciuškieviča, pryśviečany pamiaci Alesia Čarkašyna
30 žniŭnia ŭ aktavaj zale škoły № 48 (pobač z praśpiektam Pieramožcaŭ, prypynak «Kamsamolskaje voziera») projdzie kancert znakamitaha biełaruskaha artysta Źmitra Vajciuškieviča. Kancert z nahody 25-hodździa niezaležnaści Biełarusi pryśviečany pamiaci Alesia Čarkašyna, viernika i barda, kapiełana biełaruskich dobraachvotnikaŭ va Ukrainie, jaki zahinuŭ hod tamu. Mierapryjemstva projdzie ŭ ramkach sustrečy z vybarcami chryścijanskaj demakratki Maryny Chomič.
Nahadajem, 10 žniŭnia 2015 hoda Aleś Čarkašyn byŭ ciažka paranieny ŭ bai pad Starahnataŭkaj na Danbasie, a 28 žniŭnia pamior ad ranaŭ. Padčas kancerta možna budzie zrabić achviaravańni na pomnik Alesiu Čarkašynu, jaki płanujecca adkryć na mohiłkach pad Bieraściem na dzień naradžeńnia Alesia 27 vieraśnia.
Kali: 30 žniŭnia, 17.30. Uvachod volny.
Dzie: Minsk, vuł. Tarchanava 14, aktavaja zała siaredniaj škoły №14.
Arhanizatar: Maryna Chomič i BCHD.
Siabry, vašyja mierkavańni, publikacyi i fotazdymki, pryśviečanyja 25-hodździu niezaležnaści Biełarusi, raźmiaščajcie ŭ sacyjalnych sietkach z chešteham #belarus25. Aŭtary najbolš jaskravych materyjałaŭ atrymajuć padarunki ad «Art Siadziby»! Śviatkujem 25-ju hadavinu abviaščeńnia niezaležnaści Biełarusi razam!
