24 žniŭnia amierykanski akcior Styvien Sihał sustreŭsia z kiraŭnikom Biełarusi Alaksandram Łukašenkam. U niefarmalnaj atmaśfiery zorka bajevikoŭ ahladzieŭ aharod, što znachodzicca na terytoryi rezidencyi. Paśla čaho adbyłasia, jak paviedamili dziaržaŭnyja ŚMI, «lohkaja viačera»: advarnaja bulba z kropam, tušanaja kapusta, sieladziec, vendžanaja ryba, salonyja hryby, sała, chaładnik z burakoŭ dy śviežaja harodnina.
Dziakujučy videa, jakoje raspaŭsiudziła pres-słužba Łukašenki, možna pabačyć, što siarod absalutna prostych biełaruskich stravaŭ na stale staić italjanskaja niehazavanaja minieralnaja vada Acqua Panna. Jana ličycca aficyjnaj vadoj Suśvietnaj asacyjacyi samielje i kaštuje adpaviedna. Biełaruskija pastaŭščyki za butelku takoj vady abjomam u 250 mililitraŭ prosiać u siarednim 3 rubli 50 kapiejek, to bok 1,8 dołara.
Dla prykładu, butelka 0,33 «Słaŭnaj» kaštuje 59 kapiejek, niehazavanaja «Daryda» za 0,5 — 1 rubiel, za paŭlitra «Baravoj» u pastaŭščyka daviadziecca addać 63 kapiejki. Biełaruskija zdabytčyki vady čamuści nie raźlivajuć jaje ŭ butelečki pa 250 mililitraŭ. Ale navat tara bolšaha pamieru z našaj minierałkaj kaštuje ŭ razy tańniej za italjanskuju. Voś vam i impartazamiaščeńnie!
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)