Pra heta paviedamiŭ staršynia kamiteta pa adukacyi Minharvykankama Michaił Mirončyk siońnia na žnivieńskaj kanfierencyi piedahahičnych rabotnikaŭ ustanoŭ adukacyi Minska «Staličnaja adukacyja. Stratehija raźvićcia».
Michaił Mirončyk pieraličyŭ napramki dalejšaha raźvićcia raboty z adoranymi i vysokamatyvavanymi dziećmi ŭ stalicy. Heta metanakiravany adbor nastaŭnikaŭ, patencyjalna hatovych da raboty z adoranymi dziećmi, abnaŭleńnie źmiestu mietadyčnaj raboty ź imi, a taksama stvareńnie ź ich liku niefarmalnaha prafiesijnaha zhurtavańnia. «Za kožnym školnikam, jaki zajaviŭ pra siabie na alimpijadach abo konkursach i matyvavany da dalejšaha ŭdziełu ŭ indyvidualnych spabornictvach, nieabchodna zamacavać piersanalnaha ćjutara», — skazaŭ kiraŭnik profilnaha kamiteta harvykankama.
Jon kanstatavaŭ, što talenavityja dzieci paśla zakančeńnia škoły abo vyjazdžajuć na prastoru blizkaha abo dalokaha zamiežža, abo zastajucca niezaŭvažanymi ŭ ahulnaj masie studentaŭ VNU. «I na hetym indyvidualnaja prahrama z adoranymi vučniami zakančvajecca», — zaŭvažyŭ Michaił Mirončyk. Dla ažyćciaŭleńnia pierajemnaści z VNU treba šyrej vykarystoŭvać technałohiju partfolia. «VNU pavinny viedać, što da ich pryjšli vysokamatyvavanyja maładyja ludzi, elita, jakaja moža stvaryć asnovu prahresiŭnaha studenctva, a ŭ dalejšym asnovu pierśpiektyŭnych śpiecyjalistaŭ», — ličyć staršynia kamiteta pa adukacyi Minharvykankama.
Pavodle jaho słoŭ, siońnia nieabchodna havaryć ab stvareńni ŭ Minsku ahulnaharadskoj infrastruktury padtrymki talenavitaści, u jakoj usie zacikaŭlenyja baki zojmuć svaju nišu dla vykanańnia hałoŭnaj zadačy - dapamahčy maładym hramadzianam realizavacca ŭ žyćci, raskryć svoj tvorčy patencyjał. «Heta stanie našym układam u raźvićcio sacyjalna-ekanamičnaha kompleksu horada», — reziumavaŭ Michaił Mirončyk.
U forumie ŭziali ŭdzieł namieśnik premjer-ministra Natalla Kačanava, pamočnik prezidenta — hałoŭny inśpiektar pa horadzie Minsku Alaksandr Jakabson, ministr adukacyi Michaił Žuraŭkoŭ, staršynia Minharvykankama Andrej Šorac.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»31
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3535
Kamientary