 |
Prezentacyja zbornika aŭdyjokazak seryi «Biełaruskija narodnyja kazki» adbudziecca 8 červienia ŭ mienskim kinateatry «Pieramoha».
Taki zbornik budzie vypuščany ŭ Biełarusi ŭpieršyniu. U zapisie prymali ŭdzieł radyjoviadoŭca, piśmieńnica Tamara Lisickaja, mastacki kiraŭnik dziciačaha kalektyvu «Kałychanačka» Ludmiła Ryžkova j muzyka Aleh Chamienka.
«Kazki — heta cudoŭnyja ŭroki kultury j sacyjalohii, u ich vykładziena ŭsia praŭda pra nas — ludziej. Nivodny hieroj nie źjaŭlaŭsia prosta tak — na toje jany j narodnyja kazki, kab charaktaryzavać nastroi j asablivaści realnych ludziej», — adznačyła Tamara Lisickaja.
U prahramie prezentacyi — čytańnie kazak udzielnikami prajektu, muzyčnyja numary j demanstracyja multyplikacyjnych filmaŭ dla dziaciej na vialikim ekranie.
Prezentacyja seryi dyskaŭ projdzie pry padtrymcy Dziciačaha fondu AAN (JUNISEF) u Biełarusi.
Pačatak a 13-j hadzinie. Uvachod volny.
