Fota: cocktail.az
Pavodle apytańnia, praviedzienaha sacyjałahičnym centram Ipsos i ahienctvam Reuters ad 26 žniŭnia da 1 vieraśnia, za kandydata ad Respublikanskaj partyi Donalda Trampa prahałasavali b na prezidenckich vybarach u listapadzie hetaha hoda 40% respandentaŭ. Za kandydata ad demakrataŭ Chiłary Klintan addali b svaje hałasy 39% apytanych. Astatnija ŭdzielniki apytańnia prahałasavali b za inšych kandydataŭ, kali b u ich była takaja mahčymaść
Apytańnie Reuters i Ipsos pravodzicca ŭ farmacie anłajn na anhlijskaj movie va ŭsich 50 štatach ZŠA. U daśledavańni, jakoje pravodziłasia ad 26 žniŭnia da 1 vieraśnia ŭziali ŭdzieł 1804 patencyjnych vybarščyka.
Papiaredniaje apytańnie Reuters i Ipsos, dadzienyja jakoha byli apublikavanyja 26 žniŭnia, pakazvała adryŭ Klintan ad Trampa ŭ 5%. Za kandydata ad demakrataŭ hatovyja byli prahałasavać 41% apytanych, 36% hatovyja padtrymać respublikanca. 23% vybarščykaŭ nie adobryli ni adnaho z kandydataŭ. Pry hetym apytańnie Reuters i Ipsos ad 24 žniŭnia pakazvała, što za Klintan hatovyja byli prahałasavać na 12% bolš vybarščykaŭ.
U cełym, jak adznačaje Reuters, sacyjałahičnyja apytańni pakazvajuć adryŭ Klintan na praciahu ŭsioj prezidenckaj honki. Zhodna z apytańniami Reuters i Ipsos, Trampu apiaredzić udavałasia ŭsiaho dvojčy: u mai hetaha hoda i ŭ kancy lipienia.