Prezident Rasii Uładzimir Pucin nie bačyć inšaha farmatu dla pieramoŭ pa mirnym urehulavańni na Danbasie, akramia narmandskaha.
Reuters
Pra heta Pucin zajaviŭ padčas pres-kanfierencyi pa vynikach samitu «dvaccatki», pieradaje TASS.
Adnak, na jaho dumku, takija sustrečy pavinny vieści da palapšeńnia situacyi, a nie pravodzicca prosta dziela pieramoŭ.
«Što tyčycca narmandskaha farmatu, dobra heta ci drenna, ale inšaha varyjantu chacia b raspačać sproby ŭrehulavańnia niama», — skazaŭ prezident RF.
Pavodle jaho słoŭ, «tamu, viadoma, Rasija hety farmat budzie padtrymlivać».
«Kudy padziecca, napeŭna, pryjdziecca mieć znosiny z (prezidentam Ukrainy Piatrom Parašenkam)», — skazaŭ Pucin.
«Ale, ja skazaŭ i fiederalnamu kancleru (FRH Anhiele Mierhiel), i prezidentu Francyi (Fransua Alandu), što pytańnie nie ŭ tym, kab sustrakacca ci nie sustrakacca, pytańnie ŭ tym, kab hetyja sustrečy viali da niejkaha pazityŭnaha ruchu napierad va ŭrehulavańni», — padkreśliŭ Pucin.
