Členy Abjadnanaj hramadzianskaj partyi Uładzimir Kacora i Uładzimir Niapomniaščych, jakija bałatavalisia adpaviedna pa Homielskaj-Sielmašaŭskaj akruzie № 32 i Homielskaj-Jubilejnaj akruzie № 31, źniali svaje kandydatury. Zajavy ŭ akruhovyja kamisii aktyvisty padali 5 vieraśnia, paviedamili jany BiełaPAN.
«Ni adzin z prapanavanych AHP va ŭsie 34 kamisii Sielmašaŭskaj akruhi pradstaŭnik nie byŭ abrany členam učastkovych vybarčych kamisij, — tłumačyć pryčynu admovy ad dalejšaha ŭdziełu ŭ vybarach Kacora. — Da taho ž staršynia CVK Lidzija Jarmošyna zajaŭlaje, što rola deputata parłamienta nie ŭ tym, kab zajmacca zakanatvorčaj dziejnaściu, a być pradstaŭnikom sabiesa ŭ svajoj akruzie».
Niapomniaščych ŭ zajavie na adras vybarkama napisaŭ: «Prašu źniać maju kandydaturu ŭ tak zvanaj vybarčaj kampanii, tamu što heta nie vybary, a hulnia šarłatanaŭ z narodam u naparstki pad nazvaj vybary. Ja nie maju maralnaha prava padmanvać siabie, svaju siamju i biełaruski narod, prymajučy ŭdzieł u «padtancoŭcy» Łukašenku-Jarmošynaj i ich bryhadzie».
Adnoj z pryčyn źniaćcia svajoj kandydatury Niapomniaščych nazvaŭ situacyju ź jaho zdymkam na stendzie ź infarmacyjaj pra kandydataŭ. Fota abrezali takim čynam, što nadpis z łozunham na majcy kandydata apynuŭsia źmienienym. Łozunh hučyć «Za Biełaruś biez Łukašenki», ale fota kadryravali takim čynam, što fraza vyjšła biessensoŭnaj: «Za Biełaruś biez». Taksama pry vystupie na telebačańni kančatak frazy nie było vidać, pakolki jaje zakryli citrami — vyjšła, što kandydat vystupaje pad devizam «Za Biełaruś».
«U Homieli mianie viedajuć dziakujučy hetamu nadpisu na majcy, vitajucca, cisnuć ruku, navat abdymajucca i prosiać sfatahrafavacca. A kamisija robić usio, kab mianie nie paznali ludzi», — skazaŭ były kandydat. U toj ža dzień jon zarehistravaŭsia naziralnikam na adnym z učastkaŭ.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary