Ukidu biuleteniaŭ na vybarčym učastku №625 u Minsku nie było, zajaviła siońnia žurnalistam staršynia akruhovaj vybarčaj kamisii Kalinoŭskaj vybarčaj akruhi №108 Iryna Rodzik.
«Siońnia ŭ šerahu internet-krynic źjaviłasia infarmacyja ab ukinutych biuleteniach u skryniu dla daterminovaha hałasavańnia na vybarčym učastku №625 pa Kalinoŭskaj vybarčaj akruzie. Hetaja infarmacyja źjaŭlajecca pravakacyjaj i nakiravana na dyskredytacyju vybarčaj kampanii. Na dadzienym učastku dla hałasavańnia ŭstanoŭleny prazrystyja skryni, hałasavańnie pravodzicca hałosna, adkryta, prazrysta», — padkreśliła staršynia.
Iryna Rodzik adznačyła, što sumiesna z sakratarom haradskoj vybarčaj kamisii pravieryła śpisy vybarščykaŭ, pratakoł daterminovaha hałasavańnia.
«Była vyjaŭlena adna pamyłka, chutčej, navat niedakładnaść. Sakratar dadzienaj kamisii fiksavała ŭ pratakole dadzienyja z narastajučym vynikam. Tamu, mahčyma, ličby, jakija ahučvali naziralniki na dadzienym učastku, i ličby ŭ pratakole razychodziacca», — paviedamiła jana.
Pa słovach Iryny Rodzik, u pratakoł daterminovaha hałasavańnia pa kožnamu dniu pavinna unosicca taja kolkaść vybarščykaŭ, jakaja pryjšła ŭ hety dzień. «Sakratar ŭčastka pamyłkova unosiła dadzienyja z narastajučym vynikam kožny dzień — heta značyć, da prykładu, u sieradu byli ŭniesieny dadzienyja za aŭtorak i sieradu, u piatnicu — za čatyry dni», — raspaviała jana.
