Pastaŭki pradukcyi biełaruskaj ptuškafabryki «Družba» ŭ Rasiju časova abmiežavanyja. Pra heta paviedamlaje pres-słužba Raśsielhasnahlada.
«Raśsielhasnahlad z 23 vieraśnia 2016 hoda ŭvodzić časovyja abmiežavańni na pastaŭki ŭ Rasijskuju Fiederacyju pradukcyi, vyrablenaj biełaruskim pradpryjemstvam AAT «Ptuškafabryka «Družba», — havorycca ŭ paviedamleńni.
Zabarona ŭviedziena z-za nieadnarazovych pieravyšeńniaŭ mikrabijałahičnych pakazčykaŭ biaśpieki, a taksama vyjaŭleńnia reštkaŭ zabaronienych lekavych i škodnych rečyvaŭ u pradukcyi pradpryjemstva.
Admienu zabarony ŭ viedamstvie razhledziać adrazu ž paśla praviadzieńnia Minsielhascharčam Biełarusi rasśledavańnia i pradstaŭleńnia ŭ Raśsielhasnahlad jaho vynikaŭ.
AAT «Ptuškafabryka «Družba» adno z najbujniejšych pradpryjemstvaŭ pa vytvorčaści miasa ptuški ŭ Biełarusi. Raniej Raśsielhasnahlad užo abmiažoŭvaŭ pastaŭki z hetaha pradpryjemstva ŭ Rasiju.
