«Damovu tuju zasuń sabie…» — da aktyvistki Julii Ściapanavaj pryjšli sudovyja vykanaŭcy, kanfiskavali majomaść haspadaroŭ zdymnaj kvatery
Vykanaŭcy pryjšli ŭ suviazi ź dziejnaściu pradprymalnika Alesia Makajeva, muža Ściapanavaj.
Aleś Makajeŭ byŭ nieadnarazova aštrafavany za ŭdzieł u niesankcyjanavanych akcyjach, taksama maje zapazyčanaść pierad rynkam «Rakaŭski kirmaš» za niaspłatu arendy. I taksama — štraf za niezakonnuju pradprymalnickuju dziejnaść (u lutym Makajeva złavili padčas kantrolnaj zakupki — jon pradavaŭ santechniku praz abviestki). Sam Aleś Makajeŭ śćviardžaje, što ahulnuju sumu, jakuju jon vinien dziaržavie, jon nie viedaje.
Ciapier sudovyja vykanaŭcy pryjšli ŭ kvateru da Ściapanavaj.
«Pralnuju mašynku, pasudamyjku, televizar smart tv — dzicia mulciki hladzieła ź jaho, mikrachvaloŭku, vientylatar zabrali. Ja im pakazvała damovu, u jakoj apisanyja hetyja rečy jak haspadarskija (pralnaja mašynka — haspadara kvatery), astatnija rečy my damovilisia pakinuć u zalik pražyvańnia. Nam adkazali — zasuńcie tuju damovu sabie…» — raspaviała «Našaj Nivie» Ściapanava. Aleś Makajeŭ prakamientavaŭ hetuju historyju tak: «Štości budziem rabić. Praŭda, ja dakładna nie viedaju jašče što».
Ściapanava źbirajecca abskardzić kanfiskacyju, ale pryznaje, što šancaŭ niašmat: «U nas nie zastałosia dakumientaŭ na tuju techniku, tamu, napeŭna, nichto ničoha nie viernie».
«Saša [Makajeŭ] pryncypova admaŭlaŭsia apłočvać štrafy… I voś, pryjšli pa rečy. Praŭda, ja nie razumieju, čamu praź jaho kanfiskavali rečy maje i dziciačyja? Ja prapanoŭvała jaho — Makajeva — santechniku, jakaja lažyć na bałkonie, ale vykanaŭcy jaje zabirać čamuści nie zachacieli», — skazała Julija Ściapanava.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja33
Kamientary