Samalot z pantyfikam na borcie pryziamliŭsia ŭ Mižnarodnym aeraporcie imia Hejdara Alijeva ŭ Baku siońnia ranicaj.
U prysutnaści hanarovaj varty Franciška sustreli pradstaŭniki azerbajdžanskaha ŭradu i ardynaryj Apostalskaj prefektury Azerbajdžana ks. Uładzimir Fekete. Papu supravadžaŭ taksama Apostalski nuncyj u Hruzii, Armenii i Azerbajdžanie arcybiskup Marek Salčynski.
Paśla karotkaj cyrymonii pryvitańnia, jakaja nie praduhledžvała vykanańnia himnaŭ i pramovaŭ, aŭtamabil z Franciškam nakiravaŭsia ŭ kaścioł Biezzahannaha Začaćcia Najśviaciejšaj Panny Maryi ŭ Baku. Tam Papa sustreŭsia z ryma-katalikami Azerbajdžana i pravioŭ imšu padčas histaryčnaha vizytu ŭ hetu krainu.
U Azerbajdžan Papy Rymski prybyŭ z Hruzii. Niekalki miesiacaŭ tamu pantyfik naviedaŭ Armeniju.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)