Na biełaruska-polskaj miažy raspačaŭ pracu najsučasny renthien dla tavarnych ciahnikoŭ
U Terespali na biełaruska-polskaj miažy pačaŭ pracu samy sučasny ŭ Jeŭropie renthien dla tavarnych ciahnikoŭ.
«Čarhovy skanar ŭ Terespali — heta samy vialiki i sučasny instrumient dla baraćby z pamiežnaj złačynnaściu, jaki jość u najaŭnaści polskaj mytni. Heta adzinaja pryłada takoha typu, jakaja praśviečvaje tavarnyja ciahniki na troch šlachach. Jana dapamoža znachodzić nielehalnyja i niebiaśpiečnyja tavary, a taksama schovanki i dadatkovyja kanstrukcyi tavarnych vahonaŭ i kantejnieraŭ bieź ich adkryćcia», — paviedamlajuć u Ministerstvie finansaŭ Polščy.
Dahavor ab realizacyi inviestycyi byŭ padpisany ŭ vieraśni 2014 hodu, jaje košt skłaŭ 5,5 młn dalaraŭ.
U Ministerstvie finansaŭ adznačajuć, što pra nieabchodnaść novaha renthiena śviedčać ličby. Na praciahu vaśmi miesiacaŭ biahučaha hoda mytniki ź Lublinskaha vajavodstva pierachapili kantrabandu bolš za miljon pačkaŭ cyharet, jakija pieravozilisia ŭ tavarnych vahonach i kantejnierach.
Ciapier čytajuć
U centry Minska tajamniča źnikła dačka dyrektara bujnaha ahrakompleksu3
Kamientary