Člen brytanskaj karaleŭskaj siamji, stryječny brat karalevy Lizaviety II prync Majkł Kiencki 10—13 kastryčnika naviedaje z rabočym vizitam Biełaruś, paviedamiŭ načalnik upraŭleńnia infarmacyi — pres-sakratar MZS Dźmitryj Mirončyk.
«U ramkach vizitu płanujecca praviadzieńnie sustreč ź biełaruskimi aficyjnymi asobami, naviedvańnie Parku vysokich technałohij, a taksama šerahu histaryčnych i kulturnych abjektaŭ — miemaryjalnaha kompleksu Chatyń, Biełaruskaha dziaržaŭnaha muzieja historyi Vialikaj Ajčynnaj vajny, Nacyjanalnaha mastackaha muzieja», — skazaŭ Mirončyk na bryfinhu ŭ čaćvier ŭ Minsku.
Pa słovach pres-sakratara, «vizit člena brytanskaj karaleŭskaj siamji budzie spryjać raźvićciu dvuchbakovaha handlova-ekanamičnaha supracoŭnictva, a taksama pašyreńniu kulturnych suviaziaŭ pamiž Biełaruśsiu i Vialikabrytanijaj».
Jak adznačyŭ Mirončyk, prync Majkł Kiencki zajmajecca kansałtynhavaj dziejnaściu, biznesam i dabračynnaściu ŭ šerahu krain śvietu. U pryvatnaści, pad patranažam Jaho Vysokaści realizujecca šerah hłabalnych niekamiercyjnych inicyjatyŭ u śfiery biaśpieki darožnaha ruchu — Mižnarodny dabračynny fond «International Road Safety Awards» i niekamiercyjnaja struktura «RoadSafe», jakija ŭkaraniajuć novyja technałohii budaŭnictva darožnaj infrastruktury, a taksama biaśpieki piešachodaŭ i kiroŭcaŭ.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ2
Kamientary