Kiraŭnik kirujučaj partyi Polščy «Prava i Spraviadlivaść» Jarasłaŭ Kačyński zajaviŭ, što nie baicca pramoj ahresii z boku Rasii, ale «nie vyklučaje roznaha rodu pravakacyj». Pra heta jon skazaŭ u intervju vydańniu Gazeta Polska.
«Ja nie vyklučaju roznaha rodu pravakacyj, u tym liku daloka idučych», — zajaviŭ jon.
Pa słovach Kačyńskaha, pa hetaj pryčynie važnym źjaŭlajecca ŭzmacnieńnie polskaha vojska, a taksama prysutnaść vojskaŭ NATA i amierykanskich sił na terytoryi krainy. «Ja liču, što Rasii ciapier nie chopić na surjoznuju vajnu», — dadaŭ jon.
Kiraŭnik partyi «PiS» taksama padkreśliŭ, što Polšča, na jaho dumku, pavinna mieć «najlepšyja adnosiny» z ZŠA, niezaležna ad taho, chto stanie nastupnym prezidentam krainy.
0
0
0
0
0
0