Pra heta Alaksandr Łukašenka zajaviŭ, źviartajučysia da deputataŭ staroha i novaha składu abiedźviuch pałat parłamienta.
Łukašenka adznačyŭ, što častka naroda bačyć vychad z kryzisu ŭ reformach.
— Ja hatovy da lubych reformaŭ. Prezident hatovy da samych žorstkich reformaŭ, bolš žorstkich, čym MVF siońnia patrabuje. Pytańnie ŭ inšym — ci hatovyja vy da ich? Ja źviartajusia da vas, pradstaŭnikoŭ naroda. Spytajcie ŭ kožnaha, ci hatovy jon da reformaŭ.
Kiraŭnik dziaržavy raskazaŭ, što hladzieŭ debaty pa telebačańni z udziełam «tak zvanaj apazycyi».
— Jany paŭtarajuć: reformy, reformy, reformy. Ja hladžu — nu, žurnalisty, spytajecie, što jany razumiejuć pad reformami … Vy b pahladzieli: uzachlob płavajuć i ŭsio pa-roznamu adkazvajuć. Heta śviedčyć ab tym, što nachapalisia dzieści i niasuć u narod.
Łukašenka pierakanany, što apazicyja choča złamać isnujučy hramadska-palityčny ład krainy.
— Jany chočuć pravieści reformy pa svaich šabłonach, heta značyć pa-bandycku. Heta značyć pryvatyzacyja i dzialba dziaržułasnaści dla svaich svajakoŭ, paplečnikaŭ. Płatnuju adukacyju i achovu zdaroŭja, što pa kišeni tolki bahačam.
Łukašenka ličyć, što kali padniać taryfy na žyllova-kamunalnyja pasłuhi, to heta pryviadzie da vialikaj kolkaści niepłaciažoŭ.
— Što my atrymajem u vyniku? My palehčym čyjości žyćcio ŭ krainie? Dyk navošta łamać siońnia isny stan rečaŭ, kali reformy ničoha nie dajuć, lepš nie stanovicca? Ja liču — nie treba, kali treba — novy parłamient vykažacca.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI2
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary