Siońnia ŭ šatłandskim Hłazha adbudziecca baksiorski boj za pojas WBO (World Boxing Assosiation) pamiž biełarusam Kiryłam Relicham i čempijonam śvietu Ryki Biornsam (vahavaja katehoryja da 63,5 kh).
Hety boj — padzieja №1 u brytanskaj spartovaj presie.
U vypadku, kali Relich pieramoža, heta budzie druhi ŭ historyi Biełarusi raz, kali naš baksior stanie ŭładalnikam pojasa WBO — dahetul jaho ŭ 2006 hodzie zavajoŭvaŭ tolki Siarhiej Lachovič.
Boj možna budzie pahladzieć anłajn pa hetaj ci hetaj spasyłcy , pačatak a 19-j hadzinie pa minskim časie (pa spasyłcy idzie adlik času).
Varta adznačyć, što bukmiekierskija kantory ličać favarytam Biornsa, ale ŭ Brytanii na pieramohu Relicha staviać bolš ludziej: 60% da 40%.
«Biorns byŭ vialikim bajcom, ale nadyšła maja čarha», — tak u intervju brytanskim ŚMI aceńvaje svaje šansy biełarus. Na siońnia jon maje biezdakornuju sieryju ŭ 21 pieramohu.
