Upraŭleńnie Raśsielhasnahladu pa Branskaj i Smalenskaj abłaściach 7 kastryčnika paviedamiła ab uviadzieńni pracedury abaviazkovaha nadhladu transpartnych srodkaŭ biełaruskich pradpryjemstvaŭ i handlova-raźmierkavalnych składoŭ, da pastavak jakich raniej byli «surjoznyja narakańni».
«Da hetaha času ŭ punktach papiaredniaha paviedamleńnia» Čyrvonaja Horka» i «Čyrvony Kamień «dziejničała sistema vybaračnaha kantrolu, — adznačajecca ŭ paviedamleńni viedamstva. — Adnak na hetym tydni ŭ vyniku kantrolnych mier vyjaŭleny ryzyki, źviazanyja ź niedastatkovaściu, a ŭ niekatorych vypadkach poŭnaj adsutnaściu kantrolu pry pahruzcy žyviołahadoŭčaj pradukcyi, pryznačanaj dla handlovaha abarotu Rasijskaj Fiederacyi».
Dla rastłumačeńnia situacyi Raśsielhasnahlad prapanoŭvaje čarhovy prykład. Na hetym tydni ŭ PPU «Čyrvony Kamień» padčas nadhladu 9,5 t zamarožanaha žyłavanaha miasa jałavičyny ŭ błokach ŭ pieršych radach zahruzki vyjaŭlena paŭtony zamarožanaha miasa ptuški. Hruz supravadžaŭsia vieterynarnym siertyfikatam, zhodna ź jakim miasa jałavičyny było zahružana na Bresckim miasakambinacie i pieravoziłasia ŭ Omskuju vobłaść. Razam z tym dakumient nie rastłumačvaŭ pachodžańnie miasa ptuški. «Kali praces pahruzki sapraŭdy kantralavaŭsia, paŭtony miasa ptuški, raźmieščanyja ŭ samym pačatku, nie mahli zastacca niezaŭvažanymi, u toj čas jak dla inśpiektara Raśsielhasnahladu vyjavić niezajaŭlenuju pradukcyju pry poŭnaj zahruzcy i schavanaj za nastupnymi płastami źjaŭlajecca zadačaj bolš składanaj. Razam z tym u bolšaści vypadkaŭ farmiravańnie pastavak z Respubliki Biełaruś budujecca mienavita pa pryncypie «ŭsio samaje cikavaje napierad», — adznačaje rasijskaje viedamstva.
«Miery, źviazanyja z poŭnym kantrolem za pastaŭkami, jakija znachodziacca ŭ hrupie ryzyki, źjaŭlajucca nieabchodnymi. Pracedura nadhladu stanie šmatstupiennaj. Upraŭleńnie pakidaje za saboj prava zapytvać dadatkovyja źviestki, jakija paćviardžajuć sapraŭdnaść harantyj u biaśpieki pastavak», — paviedamiŭ Raśsielhasnahlad.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary