Uładzimir Pucin pryniaŭ rašeńnie admianić vizit u Francyju, bo z prahramy vizitu vypali zapłanavanyja mierapryjemstvy. Vizit moža adbycca ŭ terminy, zručnyja dla francuzskaha lidara Fransua Ałanda. Pra heta žurnalistam paviedamiŭ pres-sakratar prezidenta Dźmitryj Piaskoŭ.
Vizit u Paryž płanavaŭsia na 19 kastryčnika. Pa słovach Piaskova, padčas vizitu płanavalisia šerah mierapryjemstvaŭ, u pryvatnaści, adkryćcio Ruskaha duchoŭnaha centra i praviadzieńnie adnoj z vystaŭ. «Na žal, hetyja mierapryjemstvy vypali z prahramy», — skazaŭ pres-sakratar Pucina. Pytańni ab tym, čamu adbyłasia admiena mierapryjemstvaŭ, Piaskoŭ prapanavaŭ adrasavać francuzskamu boku.
Pres-sakratar rasijskaha lidara dadaŭ, što Uładzimir Pucin z samaha pačatku adznačaŭ, što jon hatovy zrabić vizit «kali heta budzie kamfortna dla prezidenta Francyi». Adpaviedna, pajezdka moža adbycca ŭ inšyja terminy, zručnyja dla Ałanda.
Raniej Reuters, spasyłajučysia na krynicy ŭ Francyi, patłumačyŭ admovu Pucina ad vizitu ŭ Paryž niazhodaj zvuzić paradak pieramovaŭ tolki Siryjaj.
