«Rasieja ŭsio macniej, heta byŭ jaje najlepšy matč na turniry [sa zbornaj Švecyi]. Sa švedami chłopcy pakazali nia prosta vydatnuju hulniu, ale vysoki mižnarodny ŭzrovień. Ciapier treba paćvierdzić klas u nastupnaj sustrečy — z Halandyjaj. Kali kamandzie heta ŭdasca, to treba budzie źniać pierad joj kapialuš. (…) U sieradu ŭviečary ŭsio stała zrazumiełym: Rasieja nia prosta idzie ŭ futbolnuju Eŭropu, a ŭžo zavajoŭvaje jaje.
(…) Tak, Halandyja mocnaja, ale ŭrešcie, u adnym‑adzinym matčy možna adoleć luboha supiernika. Na moj pohlad, vielmi dobra, što halandcaŭ ličać favarytami — im jość što hublać. Ale kolki ŭžo razoŭ futboł rabiŭ siurpryzy. Ale nie liču, što Rasieja ŭ hetaj hulni, taki ŭžo aŭtsajder.
Mnie pryjemna, što ŭ pryncypie moj prahnoz na matč sa švedami paćvierdziŭsia. Kazaŭ, što Rasieja vyjhraje 2:1, a vyjšła — 2:0. Krychu pamyliŭsia. (…) Upeŭnieny, što na tabło budzie lik 2:1 paśla matču Rasieja — Halandyja. Pryčym na karyść kamandy Chidynka. Adnaznačna.
Matč Rasieja — Halandyja projdzie ŭ subotu, 21 červienia. Pačatak tranślacyi a 21:30 na ANT.
Siońnia, u piatnicu, Charvatyja — Turcyja (21:45).