14 kastryčnika ŭ 20.44 pastupiła paviedamleńnie ab pažary ŭ adnapaviarchovym błokavym budynku drevaapracoŭčaha cecha 1991 hoda pabudovy ŭ Słonimie, paviedamili ŭ Hrodzienskim AUMNS.
U vyniku pažaru paškodžanyja łaty dachu, draŭlanaje pierakryćcie. Pryčyna pažaru vyśviatlajecca.
Usiaho za minułyja sutki ŭ Hrodzienskaj vobłaści adbyłosia dva pažary. Tak, učora paśla poŭdnia pastupiła paviedamleńnie ab pažary ŭ cahlanaj haspadarčaj pabudovie na terytoryi pryvatnaha domaŭładańnia ŭ Lidzie. Paškodžany dach, pierakryćcie, majomaść u chlavie. Pry samastojnym tušeńni pažaru atrymała apioki ruk 2-3 stupieni i tvaru 2 stupieni (usiaho 8-10% cieła) maci haspadara. Žančyna 1960 hoda naradžeńnia špitalizavanaja ŭ reanimacyjnaje adździaleńnie Lidskaj CRB. Pryčyna pažaru vyśviatlajecca (razhladajecca viersija nieaściarožnaha abychodžańnia z ahniom — pakinutaja biez nahladu padpalenaja śviečka).
