Polšča admaŭlajecca ad nabyćcia 50 francuzskich vajennych viertalotaŭ, kab kupić amierykanskija polskaj vytvorčaści
Varšava nabudzie dla svaich sił śpiecyjalnaha pryznačeńnia 10 viertalotaŭ S-70i Black Hawk amierykanskaj raspracoŭki, zajaviŭ ministr abarony Polščy Antoni Maciarevič, paviedamiŭ partał defence24.pl.
Hetaje rašeńnie było abjaŭlena na hetym tydni na fonie paviedamleńnia ab admovie Polščy ad kantrakta bolš čym na 3 miljarda jeŭra z francuzskim kancernam Airbus. Kantrakt zaklučany viasnoj 2015 hoda jašče papiarednim uradam krainy, zhodna z damovaj Polšča kuplała dla ŭzbrojenych sił 50 šmatmetavych viertalotaŭ Caracal.
Adnak pravakansiervatyŭnaja partyja «Prava i spraviadlivaść», jakaja pryjšła da ŭłady ŭ kancy 2015 hoda, ličyć, što francuzskija firmy nie vykonvajuć svaje abaviazki pa inviestycyjach u Polščy, što było adnoj z umoŭ kantrakta.
Takim čynam polskija kansiervatary vyrašyli admovicca ad kantrakta z francuzami, a zamiest nabyvać viertaloty amierykanskaj raspracoŭki, bo ich vytvorčaść užo idzie na terytoryi Polščy.
S-70i Black Hawk maje ekipaž 2 čałaviek, moža pieravozić 13 całkam uzbrojenych piechacincaŭ. Uzbrajeńnie moža składacca z kulamiotaŭ, 70 mm rakiet Hydra i 178-mm rakiet Hellfire.
Kamientary