Śmiarotnik učyniŭ vybuch na poŭnačy Bahdada, achviarami jakoha stali prynamsi 30 čałaviek. Jašče kala 60 čałaviek atrymali ranieńni.
Vybuch adbyŭsia na pierapoŭnienym rynku ŭ pałatcy, u jakoj sabralisia niekalki dziasiatkaŭ šyitaŭ. Paviedamlajecca, što adkaznaść za jaho ŭziała hrupoŭka «Isłamskaja dziaržava».
Irakskija vajskoŭcy rychtujucca viarnuć pad kantrol uładaŭ horad Masuł, zachopleny bajevikami ID letam 2014 hoda.
Bajaviki ID u apošnija miesiacy stali čaściej učyniać vybuchi ŭ suviazi z tym, što hrupoŭka hublaje kantrol nad terytoryjami.
Śmiarotniki časta ŭčyniajuć vybuchi ŭ miescach zboru ludziej padčas relihijnych śviataŭ. 11 kastryčnika musulmanie adznačali Dzień Ašura. U hetyja dni šyity apłakvajuć zabojstva ŭnuka praroka Muchamieda — Chusejna.
