Prynamsi 19 čałaviek zahinuli ŭ vyniku ciskaniny, jakaja adbyłasia pierad pačatkam induisckaj cyrymonii ŭ indyjskim horadzie Varanasi.
Pavodle dadzienych palicyi, u vyniku incydenta jašče 25 čałaviek atrymali roznyja traŭmy.
Ciskanina adbyłasia na moście, jaki viadzie da miesca praviadzieńnia cyrymonii. Jak rastłumačyli ŭ palicyi, arhanizatary zajavili, što ŭdzielnikaŭ cyrymonii budzie kala 3 tysiač čałaviek, adnak da pačatku praviadzieńnia mierapryjemstva sabralisia kala 70 tysiač pałomnikaŭ — paśladoŭnikaŭ induisckaha huru Džaja Hurudzievy.
«My byli nie hatovyja da taho, kab [zabiaśpiečyć paradak] pry takim napłyvie ludziej», — skazaŭ ahienctvu Asašyejted pres pradstaŭnik arhanizataraŭ mierapryjemstva Radž Bachadur.
Palicyja pakul nie paviedamlaje, što mienavita spravakavała ciskaninu ŭ natoŭpie pałomnikaŭ. Pavodle dadzienych indyjskich ŚMI, ciskanina adbyłasia, kali palicyja pasprabavała raźviarnuć ludziej, kab razhruzić most. U hety čas, pavodle dadzienych indyjskich infarmacyjnych ahienctvaŭ, u natoŭpie niechta skazaŭ, što most burycca, paśla čaho pačałasia panika.
Niaščasnyja vypadki padčas praviadzieńnia masavych relihijnych cyrymonij ŭ Indyi niaredkija. Tak, u kastryčniku 2013 hoda ŭ štacie Madchja-Pradeš achviarami ciskaniny stali bolš za 110 čałaviek, bolšaść ź ich — žančyny i dzieci.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)