Frunzienski sud Mienska aštrafavaŭ sustaršyniu arhkamiteta pa stvareńni BCHD Paŭła Sieviarynca na 50 bazavych (1050 rubloŭ). Jaho źvinavacili ŭ arhanizacyi akcyi pratestu suprać falsifikacyi vybaraŭ, jakaja prajšła 12 vieraśnia ŭ Minsku, i va ŭdziele ŭ joj.
Fota Siarhieja Hudzilina
U pratakole sutnaść pravaparušeńnia sfarmulavali tak: «Stajaŭ na fonie raściažki «Łukašenka, sychodź!», vykrykvaŭ «Žyvie Biełaruś!» i publična vykazvaŭ svajo mierkavańnie adnosna vybaraŭ u Pałatu pradstaŭnikoŭ».
Pavał Sieviaryniec nazvaŭ vyrak suda biezzakońniem: «Kali ludzi vychodziać abaraniać zakon, vychodziać pratestavać suprać falsifikacyjaŭ, a ich za heta štrafujuć — heta biezzakońnie ŭ kvadracie. Siońniašniamu režymu nie chapaje hrošaj, tamu štampujuć štrafy. Zvyčajna na takija sudy ŭžo nie chadžu, bo viedaju vyrak — 50 bazavych. Nu, i pryjdzie čas, kali novaja, demakratyčnaja ŭłada daść acenku ŭsiamu hetamu biezzakońniu».
