«Umovy nahadvajuć SIZA». «Chłopca ź bienzapiłoj» adpravili na ekśpiertyzu psichijatraŭ
Psichołaha-psichijatryčnaja ekśpiertyza ŭ dačynieńni da 17-hadovaha Uładzisłava, padazravanaha ŭ napadzie na ludziej u HC «Jeŭropa» ź bienzapiłoj i siakieraj, užo pačałasia. Pra heta paviedamiŭ aficyjny pradstaŭnik Dziaržkamiteta sudovych ekśpiertyz Jahor Livaj.
Pastanovu ab praviadzieńni ekśpiertyzy vynosić śledstva. U dadzienym vypadku pryznačanaja stacyjanarnaja ekśpiertyza. Heta značyć, što ŭ čas jaje praviadzieńnia padazravany budzie znachodzicca ŭ admysłovym adździaleńni zakrytaha typu.
- Heta režymny abjekt, umovy tam čymści nahadvajuć śledčy izalatar, - udakładniŭ Jahor Livaj. - Jon izalavany, moža kantaktavać tolki z ekśpiertami. Rodnyja mohuć jaho naviedvać, kali tolki śledstva dazvolić.
Dla praviadzieńnia ekśpiertyzy stvorana kamisija z kvalifikavanych ekśpiertaŭ-psichołahaŭ i psichijatraŭ. Jany buduć na praciahu 30 sutak pracavać z samim padazravanym (pravodzić hutarki, nazirać za pavodzinami), a taksama vyvučać materyjały kryminalnaj spravy, miedycynskuju dakumientacyju i charaktarystyki ź miesca vučoby.
- Na padstavie kompleksu mierapryjemstvaŭ buduć dadzieny adkazy na pytańni, jakija pastaviła pierad ekśpiertami śledstva. U tym liku na pytańnie, ci byŭ jon pry śviadomaści ŭ momant ździajśnieńnia hramadska niebiaśpiečnych dziejańniaŭ, - skazaŭ Jahor Livaj.
Vyniki ekśpiertyzy moža ahučyć tolki orhan, jaki viadzie kryminalny praces.
- Uličvajučy, što zakranajecca pytańnie ab stanie zdaroŭja kankretnaha čałavieka, heta infarmacyja abmiežavanaha raspaŭsiudu, — udakładniŭ aficyjny pradstaŭnik Dziaržkamiteta sudovych ekśpiertyz.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary