Pra heta zajaviŭ pieršy vice-prezident Nacyjanalnaha alimpijskaha kamiteta (NAK) Biełarusi Maksim Ryžankoŭ ŭ efiry telekanała ANT.
Stadyjon «Dynama» ŭ Minsku stanie lohkaatletyčnym - na stadyjonie budzie bolš za 20 tys. miescaŭ. Eskiz pradastaŭleny «Minskprajektam» TUT.BY.
«U kaapieracyi z nami adpracavany budzie pieralik vidaŭ sportu, pa jakich buduć hetyja Hulni pravodzicca. Ale pieralik vidaŭ sportu budzie stroha adpaviadać toj infrastruktury, jakuju siońnia majem, — adznačyŭ Maksim Ryžankoŭ. — U suviazi z hetym my roŭna stolki vidaŭ sportu zajavim na jeŭrapiejskija hulni, nakolki siońnia infrastruktura horada Minska dazvolić nam ich pravieści biez surjoznych kapitałaŭkładańniaŭ».
Pry hetym jon źviarnuŭ uvahu, što biełaruskamu boku ŭ płanie padrychtoŭki abiacanaja padtrymka i ŭžo pradstaŭlenyja peŭnyja kampanii, jakija źjaŭlajucca partniorami jeŭrapiejskich alimpijskich kamitetaŭ i Mižnarodnaha alimpijskaha kamiteta, — razam ź Biełaruśsiu jany buduć ažyćciaŭlać markietynhavuju i pramoŭšn-prahramu z nakiravańniem bolšaści dachodaŭ na pakryćcio raschodaŭ pa praviadzieńniu maštabnaha spartyŭnaha mierapryjemstva.
Pavodle słoŭ pieršaha vice-prezidenta NAK, padčas majučych adbycca Jeŭrahulniaŭ Biełaruś płanuje ŭžyć taki ž paradak ŭjezdu na svaju terytoryju, jaki dziejničaŭ na Čempijanacie śvietu pa chakiei ŭ 2014 hodzie.
«Heta značyć dla spartsmienaŭ, udzielnikaŭ heta budzie biaźvizavy ŭjezd, dla haściej — my padumajem, ja nie hatovy prosta zaraz skazać, jaki budzie miechanizm, ale na ČS heta byŭ ŭjezd pa bilecie, jaki vykonvaŭ naohuł rolu vizy», — nahadaŭ jon.
Kažučy pra toje, jak budzie budavacca ŭ dalejšym rabota pa padrychtoŭcy mierapryjemstvaŭ, Maksim Ryžankoŭ adznačyŭ, što ciapier idzie zbor nieabchodnaj infarmacyi, kab pradmietna z rabočaj hrupaj, jakaja stvorana ŭ jeŭrapiejskich alimpijskich kamitetach, abmierkavać pieralik nieabchodnych punktaŭ dla ŭklučeńnia ŭ vynikovy kantrakt dla praviadzieńnia Jeŭrahulniaŭ.
Jak paviedamlałasia, rašeńnie ab praviadzieńni ŭ Biełarusi druhich Jeŭrapiejskich hulniaŭ u 2019 hodzie pryniata pa vynikach hałasavańnia na 45-m pasiadžeńni Hienieralnaj asamblei Jeŭrapiejskich alimpijskich kamitetaŭ, jakoje prajšło ŭ Minsku.
