U Ivacevickim rajonie kiroŭca źbiŭ naśmierć žančynu-piešachoda i ŭciok. Jak paviedamili ŭ adździaleńni pa ahitacyi i prapahandzie DAI UUS Bresckaha abłvykankama, avaryja zdaryłasia 23 kastryčnika kala 19.00.
Nieŭstanoŭleny kiroŭca aŭtamabila, jedučy z boku vioski Čamiały ŭ kirunku aŭtadarohi R2 Stoŭbcy — Ivacevičy — Kobryn, učyniŭ najezd na 63-hadovuju žycharku vioski Zakapličča Ivacevickaha rajona.
Ad atrymanych traŭmaŭ žančyna pamierła na miescy. Vyjaŭlena, što piešachod nie była paznačanaja śviatłoadbiŭnymi elemientami.
Pavodle papiarednich źviestkach, piensijanierku źbiŭ hruzavik.
Supracoŭniki DAI pravodziać apieratyŭna-vyšukovyja mierapryjemstvy pa vyśviatleńni asoby kiroŭcy.
0
0
0
0
0
0
