 |
Na dumku Ł.Jarmošynaj, na vyniki vybaraŭ nie paŭpłyvaje admiena sacyjalnych ilhotaŭ i harantyj, jakaja adbyłasia ŭ 2007 hodzie.
«Chto skazaŭ, što lhoty adnaznačna padtrymlivajucca i vitajucca ŭsim nasielnictvam? Paviercie, taja častka nasielnictva, jakaja lhotami nie karystajecca, admoŭna staviłasia da ich najaŭnaści ŭ inšych hramadzian, — skazała kiraŭnik CVK. — Aprača taho, mnohija hramadzianie lhotami i nie karystalisia. Uziać supracoŭnikaŭ pravaachoŭnych orhanaŭ: im naležaŭ ilhotny prajezd, ale bolšaja ich častka jeździć na ŭłasnych mašynach i ŭžo daŭno nie karystajecca ničym biaspłatnym. Struktura lhotaŭ, jakaja była raniej, užo ŭstareła. Jaje ŭ lubym vypadku treba było pierahladać. Kali niemałaja častka studenctva jeździć na lekcyi na ŭłasnych mašynach, ab ilhotnym prajeździe na elektryčkach niejak i niajomka kazać».
Kiraŭnik Centrvybarkama taksama paviedamiła, što, zhodna z praviedzienym zimoj apytańniem, pryjści na parłamienckija vybary źbiralisia 60% vybarščykaŭ, 25% respandentaŭ zajavili, što, «chutčej za ŭsio», pryjduć.
«Takim čynam, 85% — heta patencyjał, jaki treba nie źmianšać, a pracavać nad jaho pavieličeńniem», — zajaviła Ł.Jarmošyna.
