Try čałavieki atrymali traŭmy ŭ DTZ, jakoje adbyłosia 3 listapada, kala 21.00, na skryžavańni vulicy Arłoŭskaj z vulicaj Navavilenskaj. Pra heta auto.tut.by raspaviała pradstaŭnik DAI Centralnaha rajona Anastasija Radźko.
Pavodle papiaredniaj infarmacyi, kiroŭca «Tajoty» jechaŭ pa vulicy Arłoŭskaj z boku praśpiekta Pieramožcaŭ i pry pavarocie naleva na vulicu Navavilenskuju nie sastupiŭ darohu «Leksusu», jaki ruchaŭsia ŭ pramym sustrečnym napramku. Ad udaru «Leksus» adkinuła na piešachodny pierachod, dzie jon źbiŭ troch piešachodaŭ. Usie jany atrymali traŭmy.
U vyniku DTZ 39-hadovaja žančyna ź ciažkimi traŭmami była špitalizavana. 28-hadovamu mužčynu i 30-hadovaj žančynie miedyki akazali dapamohu na miescy zdareńnia.
Pa fakcie avaryi pravodzicca pravierka.
Kamientary