U Biełarusi za dva hady budzie pabudavany novy centr kiravańnia pavietranym rucham. 4 listapada ŭ staličnym mikrarajonie Sokał, dzie budzie baziravacca abjekt, zakłali pamiatnuju kapsułu.
Jak paviedamili ŭ pres-słužbie Ministerstva transpartu i kamunikacyj, budaŭnictva centra pradyktavana nieabchodnaściu ŭdaskanaleńnia ŭzroŭniu arhanizacyi pavietranaha ruchu ŭ Biełarusi, raźvićcia sistemy kiravańnia pavietranym rucham. Dla hetaha nieabchodna pavieličeńnie prapusknoj zdolnaści pavietranaj prastory krainy, zamiena abstalavańnia aŭtamatyzavanaj sistemy kiravańnia pavietranym rucham.
Siońnia nad Biełaruśsiu prakładziena bolš za 50 maršrutaŭ pavietranaha ruchu, ahulnaja praciahłaść jakich pieravyšaje 27 tys. km. Vykarystańnie novych sučasnych radyjołakataraŭ i srodkaŭ navihacyi suviazi dazvalaje pavyšać biaśpieku i jakaść kiravańnia pavietranym rucham nad terytoryjaj krainy.
Za sutki Biełaruś pierasiakajuć zvyš 700 pavietranych sudnaŭ. U adpaviednaści z prahnozam Jeŭrakantrolu da 2022 hoda čakajecca pavieličeńnie na 17% intensiŭnaści palotaŭ praź biełaruskuju pavietranuju prastoru ŭ paraŭnańni z 2015 hodam.
Uvod u dziejańnie novaha centra kiravańnia pavietranym rucham zaklikany vyrašyć niekalki pytańniaŭ. Havorka idzie pra restrukturyzacyju pavietranaj prastory — źmianieńni kolkaści i składu siektaraŭ pavietranaj prastory; pavyšeńnie ŭzroŭniu aeranavihacyjnaha absłuhoŭvańnia i avijacyjnaj biaśpieki za košt madernizacyi pracoŭnych miescaŭ dyśpietčaraŭ; naroščvańnie tranzitnaha patencyjału krainy.
Novy centr UUS taksama daść mahčymaść zadavolić popyt karystalnikaŭ pavietranaj prastory Biełarusi na aeranavihacyjnyja pasłuhi i zabiaśpiečyć pavieličeńnie pastupleńniaŭ valutnych srodkaŭ u krainu, adznačyli ŭ Mintransie.
