Sajt WikiLeaks zaznaŭ chakierski napad nieŭzabavie paśla publikacyi tysiač dakumientaŭ, jakija, pavodle dadzienych partału, źjaŭlajucca elektronnaj pierapiskaj Nacyjanalnaha kamitetu Demakratyčnaj partyi ZŠA.
Pra heta paviedamlajecca ŭ Tvitary prajektu. Sam partał praciahvaje pracu.
WikiLeaks apošnimi tydniami publikuje tysiačy dakumientaŭ, źviazanych ź pieradvybarnaj kampanijaj u ZŠA, u pryvatnaści, pierapisku kandydata ŭ prezidenty Chiłary Klintan ź jaje pamočnikami, uklučna z najbližejšym daradcam Džonam Padestam.
Štab Klintan śćviardžaje, što WikiLeaks atrymlivaje dakumienty ad rasiejskich chakieraŭ, źviazanych sa śpiecsłužbami, jakija ŭzłomvajuć amierykanskija sierviery z metaj paŭpłyvać na chod vybaraŭ. U samoj arhanizacyi śćviardžajuć, što sajt WikiLeaks nijak nie źviazany z rasiejskimi śpiecsłužbami.