 |
Ab paradku pryjomu i vydačy dakumientaŭ paviedamiŭ žurnalistam namieśnik kiraŭnika vienhierskaj dypłamatyčnaj misii — konsuł Łasła Darocy.
Pavodle jaho słoŭ, dakumienty prymajucca biez papiaredniaha zapisu pa paniadziełkach, aŭtorkach i čaćviarhach: z 9.00 da 12.00 — ad indyvidualnych naviedvalnikaŭ, z 14.00 da 16.00 — ad turystyčnych firm i hramadzian, jakija padajuć dakumienty na atrymańnie doŭhaterminovaj vizy. Vydača pašpartoŭ z hatovymi vizami pravodzicca ŭ hetyja ž dni z 16.00 da 16.30.
Raźlikovy termin afarmleńnia luboj vizy składaje dva tydni.
Pavodle słoŭ Ł.Darocy, sioleta dla afarmleńnia viz dla turystyčnych hrup pasolstvam akredytavanyja čatyry turfirmy, jakija «pieraniali estafietu ad Varšavy». Cikavaść da atrymańnia akredytacyi prajaŭlajuć i inšyja turapieratary. «My hatovy pašyryć pieralik akredytavanych turfirm, ale, chutčej za ŭsio, zrobim heta ŭ budučym hodzie», — dadaŭ konsuł.
«My nie hatovy pracavać z turfirmami, jakija staviać metaj svajoj pracy tolki atrymańnie viz, — padkreśliŭ pasoł Vienhryi ŭ Biełarusi Fierenc Kontra. — My chočam pracavać z takimi, jakija majuć kantakty ŭ Vienhryi, arhanizujuć tury i harantujuć svaim klijentam dastaŭku i viartańnie».
U dačynieńni da pierśpiektyvy pierachodu pasolstva Vienhryi na vydaču bijamietryčnych viz dypłamaty paviedamili, što padrychtoŭka da hetaha viadziecca, ale, zhodna z najaŭnaj infarmacyjaj, pierachod moža adbycca nie raniej čym u 2010 hodzie.
