Kamitet Jeŭrasajuza pa palitycy i biaśpiecy 21 listapada naviedaje Biełaruś, paviedamili ŭ Pradstaŭnictvie ES u Biełarusi.
Delehacyju ŭznačalić staršynia kamiteta pasoł Valter Styviens. U čas svajho znachodžańnia ŭ Minsku ŭ centry ŭvahi delehacyi buduć pytańni stanu i pierśpiektyŭ adnosin pamiž Biełaruśsiu i ES.
Kamitet pa palitycy i biaśpiecy składajecca z pasłoŭ krain ES, jakija pracujuć u Brusieli. Heta pastajannaja struktura Rady Jeŭrapiejskaha sajuza. Zadača kamiteta ŭ tym, kab sačyć za raźvićciom mižnarodnaj situacyi ŭ śfierach, na jakija raspaŭsiudžvajecca ahulnaja źniešniaja palityka i palityka biaśpieki ES, i infarmavać Radu ministraŭ Jeŭrasajuza. Kamitet adyhryvaje klučavuju rolu ŭ palityčnym dyjałohu ES, adznačyli ŭ pradstaŭnictvie.
